Mengun

Hér eru einungis tekin dæmi um mengun. Dæmi sem ættu að standa börnum nokkuð nærri. Í raunveruleikanum eru dæmin enn fleiri.

• Olía sem lekur  úr stórum tanki.

Olía hefur mjög slæm áhrif á lífríki almennt, en þekkt er hversu illa hún fer með fugla. Hræðilegt ef olía kemst í vatnsból. Talað er um olíuslys þegar mikið magn kemst út í umhverfið, t.d. ef olíuflutningaskip strandar eða olíubíll veltur.

• Útblástur frá bílum, skipum og flugvélum
• Útblástur úr verksmiðjum

Óhætt er að ræða um að hlýnun jarðar sé afleiðing af mengun í andrúmsloftinu.

• Of mikil sápa eða hættuleg efni sem enda úti í sjó

Ýmislegt er látið flakka í vaskinn og klósettið sem getur haft slæm áhrif á lífríki sjávar.

• Eitur! (stundum notað til að eyða skordýrum og illgresi)

Afleit hugmynd að nota eitur. Það kemur niður á fleiru en upphaflega er ætlað.

• Rusl á víðavangi er ljótt og stundum hættulegt

Rusl á víðavangi sker í augun. Talað er um sjónmengun. Stundum er ruslið líka hættulegt fyrir lífverur. Þannig geta dýr til dæmis fest sig í plastdrasli og dáið.

• Mikill hávaði

Hávaði hefur áhrif á fólk og mörg dýr. Talað er um hljóðmengun.

Að tína rusl á skólalóð og á gönguferðum ætti að vera fastur liður. Mikilvægt að flokka sorp og ræða til hvers við gerum það og útskýra endurvinnslu og endurnýtingu.